Gəncədə hərəkətdə olan iki avtomobil toqquşub. Qəza zamanı 1978-ci il təvəllüdlü E.Nadirova və 1983-cü il təvəllüdlü V.İsmayılov xəsarət alıb. Onların vəziyyətinin orta ağır olduğu bildirilir.
Bakıda 1991-ci il təvəllüdlü Tural Çingiz oğlu Qələmov idarə etdiyi "Toyota" markalı avtomobillə yolu keçən paytaxt sakini 1983-cü il təvəllüdlü Eşqin Akif oğlu Əbilovu vuraraq öldürüb.
Biləsuvarda Naxçıvana yanacaq aparan, 1994-cü il təvəllüdlü Ruhin Baxşəlixanlının idarə etdiyi yük avtomobili idarəetmədən çıxaraq yol kənarına aşması nəticəsində sürücü xəsarət alıb.
Ağdam rayonunun Bənövşələr qəsəbəsi ərazisində hərəkətdə olan VAZ-2107 markalı avtomobilin hərəkətdə olarkən qarşı hərəkət zolağından gələn "Toyota" markalı avtomobillə toqquşması nəticəsində VAZ-2107-nin sürücüsü, 1973-cü il təvəllüdlü Taleh Mehdiyev və onun həyat yoldaşı, 1983-cü il təvəllüdlü Aliyə Mehdiyeva xəsarət alıblar.