UEFA Çempionlar Liqasının qrup mərhələsində 3-cü tura yekun vurulub. Turun mərkəzi qarşılaşması F qrupunda gerçəkləşib. PSJ Fransada İtaliyanın “Milan” klubunu 3:0 hesabı ilə üstələyib. Dortmund “Borussiya”sı İngiltərədə “Nyukasl”ı minimal hesabla yenib. ÇL-in son qalibi “Mançester Siti” və İspaniya nəhəngi “Barselona” da ardıcıl 3-cü qələbəsini qazanıb. Şəhərlilər səfərdə Yanq Boyzu 1:3, kataloniyalılar isə evdə Şaxtyoru 2:1 məğlub edib. Latsionu qəbul edən Feynoord inamlı qələbəyə sevinib - 3:1. 4 qolun vurulduğu Seltik-Atletiko matçında qalib müəyyənləşməyib. Leypsiq Srvena Zvezdanı Almaniyadan əliboş yola salıb - 3:1. Və nəhayət Portu səfərdə Antverpen səddini çətinlik çəkmədən keçib - 1:4.

Emin İsazadə