Narkotik vasitələrin qanunsuz dövriyyəsinə qarşı keçirilən əməliyyatlar zamanı Bakı, Abşeron, Hacıqabul, Cəlilabad və Füzulidə V.Ağayev, H.Məmmədov, Z.Əliyev, Ə.Həsənov, A.Zeynalov və E.Bağırov saxlanılıblar. Onlardan ümumilikdə 132 kiloqram narkotik vasitə və 6080 ədəd narkotik tərkibli həb aşkarlanıb. Müəyyən olunub ki, onlar xaricdə yaşayan narkotacirlərin tapşırığı ilə narkotiklərin qanunsuz dövriyyəsini təşkil ediblər.Biləsuvarda isə M.Abdullayevdən 10 kiloqramdan çox narkotik və 118 narkotik tərkibli həb, digər əməliyyatda F.Pirməmmədovdan isə 7 kiloqrama yaxın narkotik götürülüb. Saxlanılan şəxslər barəsində həbs qətimkan tədbiri seçilib.