Xankəndi stadionunda UEFA turnirlərinin oyunları keçirilə bilər
Xankəndi şəhər stadionu UEFA turnirlərinin oyunlarını qəbul edə bilər. Gənclər və idman naziri Fərid Qayıbovun sözlərinə görə, stadion beynəlxalq standartlara uyğun yenidən qurulub və UEFA kateqoriyası almağa hazırdır. Gələn ildən MOİK komandası da ev oyunlarını burada keçirəcək.Fərid Qayıbov qeyd edib ki, gələcəkdə AFFA-nın dəstəyi ilə stadionda milli komandaların və UEFA turnirlərinin oyunlarının təşkili də nəzərdə tutulur. Qeyd edək ki, hazırda Xankəndi stadionunda Futbol üzrə Azərbaycan Birinci Liqasının səkkizinci turu çərçivəsində “Xankəndi” - “Karvan-Yevlax” oyunu keçirilir.
url:
http://kepezfm.az/xeberler/xank%C9%99ndi-stadionunda-uefa-turnirl%C9%99rinin-oyunlar%C4%B1-ke%C3%A7iril%C9%99-bil%C9%99r

