Ağdamın Qarabağ və Şərqi Zəngəzurun iqtisadi güc mərkəzlərindən birinə çevriləcəyi gözlənilir. Bunu Prezidentin xüsusi nümayəndəsi Emin Hüseynov bildirib. Onun sözlərinə görə, vaxtilə Ağdamda 21 min hektardan çox üzüm bağı olub və bu, ölkədəki üzüm bağlarının 28 faizini təşkil edib. Rayonun əvvəlki şöhrətini bərpa edəcəyinə əminlik ifadə olunub. E.Hüseynov bildirib ki, ilin sonuna qədər Ağdamda əhalinin 21 min nəfərə çatacağı gözlənilir. Hazırda şəhərdə 3 mindən, ümumilikdə rayonda isə 8 mindən çox insan yaşayır.