Bakı–Böyük Kəsik dəmir yolu xəttinin Tovuz rayonu ərazisindən keçən hissəsində faciəvi hadisə baş verib. Qatar hərəkətdə olarkən dəmir yolunu qadağan olunmuş yerdən keçməyə cəhd edən Tovuz rayon sakini 18 yaşlı Ədalət Nərimanlını vurub. Maşinist təcili tormozlama etsə də, məsafə az olduğundan toqquşmanın qarşısını almaq mümkün olmayıb. Nəticədə həmin şəxs həyatını itirib.
Azərbaycan Dəmir Yolları bir daha vətəndaşlara müraciət edərək onları dəmir yolunu yalnız xüsusi ayrılmış keçidlərdən istifadə etməyə və təhlükəli hərəkətlərdən çəkinməyə çağırır.