Azərbaycanda klinik psixoloqların fəaliyyəti, sertifikatlaşdırılması ilə bağlı ciddi boşluqlar var. Bu fikirlə çıxış edən TƏBİB-in şöbə müdiri Sevinc Məmmədova bildirib ki, hazırda psixoloji mərkəzlərin fəaliyyətini tənzimləyən ayrıca qanunvericilik bazası və sertifikatlaşdırma mexanizmi mövcud deyil. Ailə, Qadın və Uşaq Problemləri üzrə Dövlət Komitəsinin sədri Bahar Muradova isə psixoloji sağlamlığın da fiziki sağlamlıq qədər vacib olduğunu vurğulayıb. Onun sözlərinə görə, psixoloqların fəaliyyəti ilə bağlı qanunvericiliyə yenidən baxılması və "Psixoloji xidmət haqqında" qanunun müasir çağırışlara uyğunlaşdırılması nəzərdə tutulur.