QAYDALAR


Kəpəz FM radiosuna mahnıların təqdimatı üçün

Qaydalar

 

 

1. Musiqi tərtibatı

 

1.1 Janr seçimi: «Kəpəz FM» radiosuna aşağıdakı janrda olan musiqilərin yayımına icazə verilir: Pop, Hip-Hop, Club-mix.

1.2 Musiqi seçimi: Musiqilər əsli ilə uyğun olmalı, radiostansiyanın məqbul etdiyi janrda, melodik və ritmik olmalıdır.

1.3 Söz seçimi: Mahnıların sözləri məna, qrammatik, qafiyə cəhətdən düzgün olmalı, musiqi ilə uyğunlaşmalıdır.

1.4 İfa tərzi: Musiqinin ifasında vokal, tembr, intonasiya, ritm, diapazon, artistizm professionallıq təşkil etməli, Azərbaycan dilinin qaydalarını pozmamalıdır və ifaçının tələffüzü səlis olmalıdır.

1.5 Aranjman: Mahnıların musiqilərində düzgün yazılmış harmoniya, səslənmə keyfiyəti, melodiklik və ritm olmalıdır.

1.6 Mahnıların yazılma keyfiyyəti: Professional şəkildə yazılmış fonoqrammadan (səslənmə keyfiyəti, aşağı, orta və yüksək tezliklərə uyğun olaraq yazılmalı), stereo rejimdə olmalıdır.

1.7 Əxlaq qaydası: Mahnılarda gizli və açıq şəkildə alkoqol, tütün, narkotik vasitələrinin təbliğinə icazə verilmir. Sözlərdə ədəb qaydalarına uyğun olmayan ifadələr, siyasi ideologiyanın və dinin təbliği, vətəndaşların şərəf və ləyaqətinə  zərər yetirən ekstremist və şiddət xarakterli ifadələr yolverilməzdir.

2.Texniki uyğunluq:

2.1 Format: *.Wav

2.2 Səs: Audiokodek: PCM 16 bit, stereo; Sampling Rate 48.0 KHz;

2.3 Müəllif hüquqları: Mahnıların təqdimatı zamanı mahnının söz, musiqi müəllifi və ifaçının adları mütləq qeyd olunmalıdır.

2.4 İcazə verilmir: Tam və ya qismən plagiat musiqiyə, açıq və ya gizli şəkildə reklamlara icazə verilmir.

3. Mahnılar Azərbaycan Respublikasının qanunvericiliyinə və Kəpəz FM radiosunun siyasətinə uyğun olmalıdır.