Qubadlı şəhərində Böyük Qayıdış proqramı çərçivəsində ilk yaşayış kompleksinin tikintisi davam etdirilir.Kompleksdə 21 çoxmənzilli bina və 176 mənzil olacaq. Qubadlıda ikinci yaşayış kompleksinin layihələndirilməsi də yekunlaşmaq üzrədir.Zəngilanın Cahangirbəyli kəndində isə bərpa və quruculuq işləri davam edir. Kəndin ilk mərhələsində 242 fərdi yaşayış evinin tikintisi həyata keçirilir.Kənddə inzibati və çoxfunksiyalı binalar, bazar kompleksi, 264 şagird yerlik məktəb və 80 yerlik uşaq bağçasının yaradılması planlaşdırılır.Hazırda mühəndis-kommunikasiya və yol infrastrukturu üzrə işlər görülür, yol və səki şəbəkəsi, köməkçi tikililər və hasarlama işləri davam etdirilir.