Şərqi Zəngəzurda "Araz Vadisi iqtisadi zonası" və Qarabağda Ağdam sənaye parkında yeni layihələr həyata keçirilir. Bunu İqtisadiyyat Nazirliyi yanında İqtisadi Zonaların İnkişafı Agentliyinin mətbuat katibi Elçin Kazımlı bildirib. "Araz Vadisi"ndə 8 milyon manat investisiya ilə soyutma avadanlıqları istehsalı müəssisəsi, Ağdamda isə 6 milyon manat dəyərində mebel fabriki açılacaq. Hər iki müəssisə təxminən 100 daimi iş yeri yaradacaq. Sahibkarlar isə tikinti materialları, mebel, tekstil və məişət məhsulları sahəsində 10-dan çox yeni layihə təqdim ediblər.