Qara dənizdə heyətində Azərbaycan vətəndaşlarının da olduğu “TEDY” adlı xarici yük gəmisi dron hücumuna məruz qalıb.Xarici İşlər Nazirliyindən bildirilib ki, hücum nəticəsində Azərbaycan vətəndaşları Aslan Əliyev və Asim Qasımov həlak olub. İmran Novruzov və Rauf Əliyev isə yaralanıb. Onlar Ukraynanın Çernomorsk şəhərində xəstəxanaya yerləşdiriliblər.Hazırda yaralıların Azərbaycana qaytarılması və həlak olanların cənazələri ilə bağlı prosedurların həyata keçirilməsi istiqamətində tədbirlər görülür.XİN vətəndaşları hərbi əməliyyatların getdiyi və təhlükəsizlik vəziyyətinin qeyri-sabit olduğu ərazilərə səfər etməkdən və orada işləməkdən çəkinməyə çağırıb.