Prezident İlham Əliyev, birinci xanım Mehriban Əliyeva, qızları Leyla və Arzu Əliyeva Azərbaycan Milli İncəsənət Muzeyində Xalq rəssamı Fərhad Xəlilovun 80 illik yubileyinə həsr olunan “Mənim Abşeronum: Üstə gəl” adlı retrospektiv sərgi ilə tanış olublar. Sərgidə rəssamın əsas yaradıcılıq mövzularından olan Abşeron mənzərələri, eləcə də müxtəlif rəngkarlıq və qrafika nümunələri yer alıb. Ekspozisiya sənətkarın yaradıcılıq üslubunun inkişafını və Abşeron mövzusunun onun əsərlərindəki yerini əks etdirir.