Prezident İlham Əliyev Bakıda keçirilən 6-cı Azərbaycan Beynəlxalq “Rebuild Karabakh” sərgisinin iştirakçılarına müraciət edib.Dövlət başçısı müraciətində Qarabağ və Şərqi Zəngəzurda həyata keçirilən bərpa və yenidənqurma işlərindən danışıb.İşğaldan azad edilmiş ərazilərdə 100 minə yaxın insan yaşayır, təhsil alır və çalışır.Bölgədə 1500 kilometrə yaxın avtomobil yolu tikilib, Füzuli, Zəngilan və Laçın beynəlxalq hava limanları istifadəyə verilib. Həmçinin təhsil və səhiyyə infrastrukturu genişləndirilib.Böyük Qayıdış proqramının növbəti mərhələsində əsas məqsəd özəl investisiyaların, daimi məşğulluğun və ixracyönümlü istehsalın genişləndirilməsidir.Dövlət başçısı əminliyini ifadə edib ki, “Rebuild Karabakh” və “BakuBuild” sərgiləri yeni texnologiyaların təqdimatına, işgüzar tərəfdaşlıqların qurulmasına və regionun uzunmüddətli inkişafına töhfə verəcək.