Prezident İlham Əliyev İranın daxili işlər naziri İsgəndər Momenini qəbul edib.Dövlət başçısı görüşdə Azərbaycanla İran arasında təhlükəsizlik və ictimai asayişin qorunması sahələrində əməkdaşlığın vacibliyini vurğulayıb.İsgəndər Momeni İranda baş vermiş zəlzələlər və meşə yanğınları zamanı Azərbaycanın göstərdiyi humanitar yardıma və dəstəyə görə təşəkkürünü bildirib.Görüşdə regionda mövcud gərginliyin aradan qaldırılması istiqamətində aparılan danışıqlar barədə də fikir mübadiləsi aparılıb. Prezident İlham Əliyev Yaxın Şərqdəki gərginliyin danışıqlar yolu ilə həllinə ümidvar olduğunu bildirib.Söhbət zamanı Azərbaycan və İranın müvafiq qurumları arasında əməkdaşlığın perspektivləri və qarşılıqlı maraq doğuran məsələlər müzakirə olunub.