Prezident İlham Əliyev bu gün ATƏT-in fəaliyyətdə olan sədri, Finlandiyanın xarici işlər naziri Elina Valtoneni qəbul edib. Söhbət zamanı Azərbaycan-Ermənistan münasibətlərində Vaşinqtonda əldə olunan razılaşmalar, regional əməkdaşlıq, eləcə də ATƏT-in Minsk prosesinin dekabrın 1-dək ləğvi müzakirə edilib. Tərəflər həmçinin Azərbaycan-Finlandiya əlaqələrinin inkişaf perspektivlərini nəzərdən keçiriblər.