Polşada Azərbaycan əleyhinə təxribat xarakterli çap materialının satışı dayandırılıb. Azərbaycan diasporunun məlumatından sonra Azərbaycanın Polşadakı Səfirliyi məsələ ilə bağlı istehsalçı “Henry” şirkətinə etirazını bildirib.Şirkətin direktoru Çezare Popiel üzr istəyərək məhsulun istehsal və satışının dayandırıldığını açıqlayıb. Anbarda və geri qaytarılan bütün nüsxələrin məhv ediləcəyi, gələcək çaplarda isə belə halların qarşısının alınacağı bildirilib. Popiel Azərbaycanın suverenliyinə, müstəqilliyinə və ərazi bütövlüyünə hörmət etdiyini vurğulayıb.