Ermənistanın Baş naziri Nikol Paşinyan Azərbaycanla sülh sazişinin 2027–2028-ci illərdə imzalana biləcəyini bildirib. O, bu il sazişin imzalanmasını çətin hesab etsə də, prosesin 2029 və ya 2031-ci ilə qədər uzadılmasının Ermənistanın planlarına daxil olmadığını vurğulayıb. Qeyd edək ki, Azərbaycan və Ermənistan arasında sülh sazişinin mətni 2025-ci il avqustun 8-də Vaşinqtonda paraflanıb. Sənəd tərəflərin suverenliyinin, ərazi bütövlüyünün və sərhədlərinin toxunulmazlığının qarşılıqlı tanınmasını nəzərdə tutur.