İsrailin Baş naziri Benyamin Netanyahu İranla bağlı əsas xarici siyasət məqsədinin ölkədə hakimiyyət dəyişikliyinə nail olmaq olduğunu bildirib.Netanyahu İsrailin müdafiə naziri İsrael Kats və ordu rəhbərliyi ilə görüşdə Tehrandakı hakimiyyətin devrilməsinin yaxın gələcəkdə mümkün olduğunu deyib.Baş nazir İranın hazırda zəiflədiyini və sağ qalmaq uğrunda mübarizə apardığını iddia edib.İsrailin müdafiə naziri İsrael Kats isə bildirib ki, İran İsrailə hücum edəcəyi təqdirdə, ölkəsi İranın bütün infrastrukturuna, o cümlədən enerji obyektlərinə zərbələr endirəcək.