Kənd Təsərrüfatı Nazirliyinin məlumatına görə, dabaq xəstəliyi əsasən cütdırnaqlı heyvanlarda müşahidə olunan yüksək yoluxucu virus xəstəliyidir. Nazirliyin şöbə müdiri Bayandur Rzayev bildirib ki, xəstəliyin 7 tipi var və hazırda profilaktik peyvəndləmə 4 tipə qarşı aparılır. Ümumilikdə, dabaq xəstəliyinə yoluxmuş heyvanlarda zədələnən sahələr 7-8 gün sonra bərpa olunur və 2 həftə ərzində xəstə heyvanlar sağalır. Xəstəliyi keçirmiş heyvanlarda bir ilə qədər təbii immunitet yaranır. Onun sözlərinə görə, dabağın insanlara qida vasitəsilə keçmə ehtimalı demək olar ki, yoxdur.