Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən Bakıda ilk dəfə “Gələcəyin Peşələri Sammiti: Bakı-2025” keçirilir. Əmək və əhalinin sosial müdafiəsi naziri Anar Əliyev Bakıda keçirilən “Gələcəyin Peşələri Sammiti: Bakı-2025”də çıxış edərək, sammitin əmək bazarının gələcək inkişafını müəyyənləşdirən dialoq və strateji fikir mübadiləsi üçün əhəmiyyətini vurğulayıb. Nazir bildirib ki, süni intellektin sürətli inkişafı, rəqəmsallaşma və avtomatlaşdırma dünya əmək bazarının strukturunu dəyişdirir və 2030-cu ilə qədər iş yerlərinin 22 faizinin yenidən formalaşacağı gözlənilir.