Elm və təhsil naziri Emin Əmrullayev PISA 2025 - Şagirdlərin Qiymətləndirilməsi üzrə Beynəlxalq Proqramının nəticələrinin təqdimatı zamanı deyib ki, müəllimlərin işə qəbulu və sertifikasiya prosesində oxu bacarığının daha geniş qiymətləndirilməsi məktəblərdə oxu savadlılığının yaxşılaşmasına kömək edə bilər. Nazirin sözlərinə görə, müəllimin öz oxu bacarığını inkişaf etdirmədən şagirdə bu bacarığı qazandırmasını gözləmək məntiqli deyil. Emin Əmrullayev qeyd edib ki, bununla yanaşı, dərsliklər yenilənməli və məktəblərdə oxuya ayrılan dərs saatlarının düzgün tədrisinə nəzarət gücləndirilməlidir.