Respublika ərazisində keçirilən “Təmiz hava” aylığı çərçivəsində Baş Dövlət Yol Polisi İdarəsi tərəfindən nəzarət tədbirləri davam etdirilir. Baş Dövlət Yol Polisi İdarəsindən bildirilib ki, tədbirlər zamanı nəqliyyat vasitələrinin texniki vəziyyəti yoxlanılır, atmosferə normadan artıq zərərli maddələrin atılmasına səbəb olan nasazlıqların aradan qaldırılması ilə bağlı sürücülərə xəbərdarlıq edilir. Həmçinin sürücülər və sərnişin-yükdaşıma fəaliyyəti ilə məşğul olan şəxslərlə profilaktik söhbətlər aparılır. Tədbirlərin əsas məqsədi nəqliyyat vasitələrinin texniki sazlığının təmin edilməsi, məsuliyyətli davranışın formalaşdırılması və ətraf mühitin qorunmasıdır.BDYPİ sürücülərə nəqliyyat vasitələrinin texniki sazlığına və ətraf mühitin mühafizəsinə diqqətlə yanaşmağın hər bir hərəkət iştirakçısının məsuliyyəti olduğunu xatırladıb.