Dövlət ümumi təhsil müəssisələrində təhsilverənlərin geyimi ilə bağlı vahid tələblər məktəblərdə işgüzar geyim mədəniyyətinin formalaşdırılmasına və vahid yanaşmanın təmin edilməsinə yönəlib.Əməkdar jurnalist, dramaturq, publisist və ictimai xadim Nüşabə Əsəd Məmmədli Kəpəz FM-ə açıqlamasında vahid məktəbli formasının sosial bərabərliyin qorunmasına xidmət etdiyini bildirib. O, bu qaydanın şagirdlər arasında ayrı-seçkiliyin və təbəqələşmənin qarşısını alacağını vurğulayıb:

Nüşabə Əsəd Məmmədli – Əməkdar jurnalist, dramaturq, publisist və ictimai xadim: “Düzgün qanundur. Məktəblilərin hamısının eyni məktəbli formasında dərsə getməsi çox düzgündür ki, ayrı-seçkilik olmayacaq. Təbəqələşmə olmayacaq uşaqlar arasında. Varlı-kasıb söhbəti olmayacaq. Bu əladır ki, hamı eyni formada gəlsin. Bizim böyük Mirzə Cəlilimiz, Mirzə Fətəli Axundovumuz, böyük Sabirimiz və Həsən bəy Zərdabimiz məhz xurafata qarşı mübarizə aparırdılar. Qaragüruhçuluğa qarşı mübarizə aparırdılar”.