Muratdan Demetə cavab - Bakı konserti ilə bağlı

Muratdan Demetə cavab - Bakı konserti ilə bağlı

Murat Dalkılıç “Dönerse senindir” filminin qala gecəsinə qatılıb.

Müğənni Bakıda konserti ilə bağlı Demet Akalınla yaşadığı qalmaqala münasibət bildirib.

Dalkılıç jurnalistlərin suallarından yayınmaq istəyib.

O, Türkiyədə baş verən hadisələri misal çəkərək mövzu ilə bağlı çox danışmaq istəmədiyini qeyd edib:

“Bu mövzu ilə bağlı çox danışmaq istəmirəm. Ölkədə kifayət qədər problem var. Belə lazımsız şeylərlə gündəmə gəlmək, gündəm yaratmaq istəmirəm. Başqa bir vaxt olsa, mövzu barədə danışmaq olar. İndi isə uzatmaq fikrim yoxdur. Daha sonra lazım olan açıqlamanı verəcəm. İndi gözəl şeylərdən danışmaq lazımdır”.

Xatırladaq ki, iki müğənni Bakı konserti ilə bağlı qalmaqal yaşamışdılar. Belə ki, Dalkılıçın adı konsertin afişasında Demetdən sonra yazılıb. Muratın bu etirazından həmkarı xəbər tutub.

Əsəblərini cilovlamayan Akalın rəsmi "twitter" hesabından müğənniyə söz atmışdı.

Ayşən Zeynallı