Murad Boz Bakıya gələcək

Murad Boz Bakıya gələcək

Türkiyəli müğənni Murad Bozun rol aldığı "Dönerse senindir" filminin Bakıda qala gecəsi baş tutacaq.

Nizami Kino Mərkəzinin mətbuat xidmətindən verilən məlumata görə, gecədə Murad Bozun da iştirakı gözlənilir:
"Təqdimat yanvarın 5-ə nəzərdə tutulub. Qala gecəsində Murad Boz da olacaq. Digər aktyorların iştirakı hələki dəqiqləşməyib".

Qeyd edək ki, “Dönerse senindir” filmi dekabrın 23-də Türkiyədə tamaşaçılara təqdim olunub.

Filmdə Muradın tərəf müqabilləri Yasemin Allen və İrem Sakdır. Ekran işinin rejissoru Erol Özlevi, ssenari müəllifləri isə Gizem Elçi və Oğulcan Türedir.

Ayşən Zeynallı