İyunun 29-u saat 11:00-dan etibarən direktor vəzifəsi vakant olan dövlət ümumi təhsil müəssisələrinə direktorların işə qəbulu müsabiqəsi üzrə elektron sənəd qəbuluna start veriləcək.Namizədlər iyulun 6-sı saat 17:00-dək miq.edu.az/direktor portalı vasitəsilə qeydiyyatdan keçə bilərlər.Müsabiqə seçim və müsahibə mərhələlərindən ibarət olacaq. Seçim mərhələsində təqdim olunan sənədlərin düzgünlüyü yoxlanılacaq, bu mərhələni uğurla keçən namizədlər müsahibəyə dəvət ediləcəklər.Müsahibələr zamanı namizədlərin liderlik, strateji idarəetmə, pedaqoji fəaliyyət, təşkilatçılıq, ünsiyyət, qərarvermə, rəqəmsal, eləcə də sosial və emosional bacarıqları qiymətləndiriləcək.