Qaçqınların və Məcburi Köçkünlərin İşləri üzrə Dövlət Komitəsinin iclasında keçmiş məcburi köçkünlərin azad edilmiş ərazilərə qayıdışı ilə bağlı məlumatlandırma işlərinin davam etdirilməsi və elektron bazasındakı məlumatların dəqiqləşdirilərək yenilənməsi tapşırılıb. Sakinlərə Böyük Qayıdışın mərhələləri, məskunlaşma qrafiki və növbəlilik prinsipləri barədə rəsmi məlumatların çatdırılması nəzərdə tutulur.Elektron sistem vasitəsilə qayıtmaq istəyən şəxslərin ailə tərkibi, sağlamlıq vəziyyəti və peşə ixtisasları qeydiyyata alınır. Bu məlumatlar yeni yaşayış məntəqələrində mənzil, məktəb və iş yerlərinin planlaşdırılmasında istifadə olunur. İclasda həmçinin Qarabağ və Şərqi Zəngəzura köçürülmə prosesinin şəffaf şəkildə həyata keçirildiyi vurğulanıb.