Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Yevlax şəhərində yeni yaradılmış Sahibsiz Heyvanlara Qayğı Mərkəzinin regional bölməsinin açılışında iştirak edib.Leyla Əliyeva mərkəzdə yaradılmış şəraitlə tanış olub, sahibsiz heyvanların qəbulu, müayinəsi, müalicəsi, peyvəndlənməsi, sterilizasiyası və reabilitasiyası üçün nəzərdə tutulan bölmələrə baxış keçirib.Kompleksdə müasir avadanlıqla təchiz edilmiş klinika, müşahidə və müalicə bölmələri, karantin, inzibati və yardımçı binalar fəaliyyət göstərəcək.Yeni mərkəz Bakı Şəhər İcra Hakimiyyətinin tabeliyindəki Sahibsiz Heyvanlara Qayğı Mərkəzinin regional bölməsi kimi fəaliyyət göstərəcək və ətraf şəhər və rayonlardan daxil olan müraciətlərə daha operativ xidmət göstərəcək.