Bakının Lökbatan qəsəbəsində baş verən yanğının Kontakt Home şirkətinin və anbarında olduğu açıqlanıb.Yanğında "Birmarket"ə məxsus anbara da zərər dəyib.Hadisə zamanı xəsarət alan olmayıb və anbardakı bütün şəxslər təhlükəsiz şəkildə təxliyə olunub. Bununla yanaşı, bəzi sifarişlərin çatdırılmasında qısamüddətli gecikmələrin yaşana biləcəyi bildirilib.Səhər saatlarında anbarda başlayan güclü yanğının söndürülməsi üçün Fövqəladə Hallar Nazirliyi tərəfindən 182 nəfər şəxsi heyət, 40 xüsusi texnika və 2 helikopter cəlb olunub. Alovun geniş əraziyə yayılmasının qarşısı alınıb və hazırda yanğının tam söndürülməsi istiqamətində işlər davam etdirilir.