Dini dəyərlər insan ləyaqətinə, mərhəmətə, ədalətə, qarşılıqlı hörmətə, ictimai həmrəyliyə və sülhə xidmət etməlidir.Dini Qurumlarla İş üzrə Dövlət Komitəsinin sədri Ramin Məmmədov Bakıda keçirilən “Gənc nəslin milli-mənəvi dəyərlər ruhunda tərbiyəsi” mövzusunda konfransda deyib ki, Azərbaycanda dünyəviliklə dini-mənəvi dəyərlər arasında ziddiyyət yoxdur. Onun sözlərinə görə, əsas məqsəd milli-mənəvi köklərinə bağlı, açıq düşüncəli, bilikli və məsuliyyətli vətəndaş yetişdirməkdir.