Ermənistan və Azərbaycanın vətəndaş cəmiyyəti nümayəndələrinin qarşılıqlı səfərləri iki ölkə münasibətlərindəki sülh gündəliyinə töhfə verir.Bunu Ermənistan Şurası Analitik Mərkəzinin prezidenti və "Sülh körpüsü" təşəbbüsünün əlaqələndiricisi Areq Koçinyan 2026-cı il aprelin 10-12-si Azərbaycanın Qəbələ şəhərində keçirilən dördüncü görüşün yekunları ilə bağlı mətbuat konfransında bildirib. O deyib ki, belə səfərlər cəmiyyətlər arasında sülhün möhkəmlənməsinə xidmət edir və dialoqun davam etdirilməsi mühüm nailiyyətdir.