Dövlət İmtahan Mərkəzi iyunun 21-də keçirilən 9 illik orta təhsil səviyyəsi üzrə təkrar imtahanların nəticələrini elan edib. Nəticələri DİM-in elektron xidmətləri, eləcə də imtahana buraxılış vərəqəsindəki kodu 7727 nömrəsinə SMS göndərməklə öyrənmək mümkündür. Nəticələrdən narazı olanlar üçün Apellyasiya Komissiyasına qeydiyyat iyulun 1-i saat 10:00-dan 3 iyul saat 17:00-dək aparılacaq. Müraciətlər yalnız DİM-in rəsmi saytındakı elektron ərizə vasitəsilə qəbul ediləcək. Həmçinin Azərbaycan dili - dövlət dili fənni üzrə test imtahanının nəticələri də elan edilib.