Birinci Qarabağ müharibəsində itkin düşmüş, şəxsiyyətləri müəyyən edilən şəhidlər doğulduqları rayonlarda dəfn olunublar. Şəhid Rauf Əhmədov Goranboyun Sarov kəndində, Möysüm Əliyev Füzuli rayonunun İkinci Mahmudlu kəndində, Dəyanət Musayev isə Ucarın Boyat kəndində torpağa tapşırılıb.Dəfn mərasimlərində şəhidlərin ailə üzvləri, dövlət rəsmiləri, hərbçilər, müharibə veteranları və ictimaiyyət nümayəndələri iştirak ediblər. Dəfnlər hərbi orkestrin müşayiəti və yaylım atəşi ilə həyata keçirilib.