İran Xarici İşlər Nazirliyinin sözçüsü İsmayıl Bəqayi bildirib ki, ölkənin müdafiə qabiliyyəti və raket proqramı heç vaxt danışıqlar mövzusu olmayacaq.İran dördtərəfli danışıqları dayandırdıqdan sonra ABŞ ilə birbaşa təmas baş tutmayıb. Bəqayi qeyd edib ki, İsveçrədə keçirilən görüşlər zamanı tərəflər arasında mesajlar yalnız vasitəçilər vasitəsilə ötürülüb.
O, ABŞ Maliyyə Nazirliyinin İranın neft ixracı ilə bağlı elan etdiyi 60 günlük icazənin qüvvəyə mindiyini, həmçinin İranın azad edilmiş aktivlərinin ölkənin sərəncamında olduğunu bildirib.Bəqayi həmçinin Atom Enerjisi üzrə Beynəlxalq Agentliyin müfəttişlərinin nüvə obyektlərini yoxlamaq üçün İrana qayıdacağı barədə xəbərləri təkzib edib və İran nümayəndə heyətinin Agentliyin baş direktoru Rafael Qrossi ilə görüşmədiyini vurğulayıb.