Prezident İlham Əliyev Türkiyə Prezidenti Rəcəb Tayyib Ərdoğana 29 Oktyabr – Respublika Günü münasibətilə təbrik məktubu göndərib.Dövlət başçısı məktubunda Türkiyə Prezidentini və qardaş ölkənin xalqını milli bayram münasibətilə təbrik edərək ən xoş arzularını çatdırıb.İlham Əliyev Azərbaycan ilə Türkiyəni tarixin sınaqlarından çıxmış dostluq və qardaşlıq tellərinin bağladığını vurğulayıb. O, 2021-ci ildə imzalanan Şuşa Bəyannaməsi ilə iki ölkə arasındakı münasibətlərin müttəfiqlik səviyyəsinə yüksəldiyini və yeni məzmun qazandığını qeyd edib.