Qarabağ artıq yalnız milli qürurumuzun rəmzi deyil, eyni zamanda XXI əsrin dayanıqlı inkişaf məkanına çevrilir. Bu fikir Prezident İlham Əliyevin 5-ci Azərbaycan Beynəlxalq “Qarabağın Bərpa, Yenidənqurma və İnkişafı” - “Rebuild Karabakh” sərgisinin iştirakçılarına ünvanladığı müraciətdə yer alıb. Dövlət başçısı bildirib ki, “Böyük Qayıdış” Proqramı çərçivəsində işğaldan azad edilmiş ərazilərdə genişmiqyaslı bərpa və quruculuq işləri uğurla davam edir. Regionda müasir şəhərlər salınır, məktəb və xəstəxanalar tikilir, yol-nəqliyyat və kommunikasiya infrastrukturu yenilənir, iş yerləri açılır, yaşıl enerji zonaları və sənaye parkları yaradılır.