Prezident İlham Əliyevin sərəncamı ilə Prokurorluğun bir qrup əməkdaşı təltif olunub, bir neçə əməkdaşa isə ali xüsusi və ali hərbi rütbələr verilib.Xidməti vəzifələrini yerinə yetirərkən fərqlənən 4 prokurorluq əməkdaşı “Tərəqqi” medalı, 21 əməkdaş isə “Prokurorluq orqanlarında qulluqda fərqlənməyə görə” medalı ilə təltif edilib.Bundan başqa, Naxçıvan Muxtar Respublikasının prokuroru Sənan Paşayevə II dərəcəli dövlət ədliyyə müşaviri, Baş prokuror yanında Korrupsiyaya qarşı Mübarizə Baş İdarəsi rəisinin müavinləri Emin Mürsəliyev və Asəf Sarıkişiyevə III dərəcəli dövlət ədliyyə müşaviri ali xüsusi rütbələri verilib.Hərbi prokurorunun müavini Nihad Şıxəliyev isə ədliyyə general-mayoru ali hərbi rütbəsinə layiq görülüb.