Prezidenti İlham Əliyev Bakıda keçirilən AQEM Media Forumunun iştirakçılarına müraciət edib. Prezident Azərbaycanın təşəbbüsü ilə ilk dəfə keçirilən Media Forumun media sahəsində əməkdaşlığın inkişafı baxımından əhəmiyyətli olduğunu vurğulayıb.Müraciətdə dezinformasiya və süni intellektdən sui-istifadə nəticəsində yayılan saxta məlumatların ictimai etimada təsir etdiyi vurğulanıb. Bu baxımdan medianın peşəkarlığı, obyektivliyi və hesabatlılığının artırılmasının, həmçinin media savadlılığının inkişaf etdirilməsinin vacibliyi qeyd olunub.Prezident AQEM Media Forumunun üzv dövlətlərin media qurumları arasında əməkdaşlığın, birgə layihələrin və təcrübə mübadiləsinin genişlənməsinə töhfə verəcəyinə əminliyini ifadə edib.