Heydər Əliyev Fondu Türkiyənin Antalya şəhərində keçirilən COP31-də pavilyonla təmsil olunur. Pavilyon Fondun və Türkiyənin Sıfır Tullantı Fondunun birgə təşəbbüsü ilə yaradılıb. Burada Heydər Əliyev Fondunun sosial, mədəniyyət, təhsil, səhiyyə, ətraf mühitin mühafizəsi və digər sahələrdə həyata keçirdiyi layihələr foto, video və interaktiv təqdimatlarla nümayiş etdirilir.