Baş Dövlət Yol Polisi İdarəsi hava şəraitinin dəyişməsi ilə əlaqədar sürücülərə və piyadalara müraciət edib.Oktyabrın 2-dən ölkə ərazisində hava qeyri-sabit keçəcək. Temperatur aşağı düşəcək, fasilələrlə yağış yağacaq, bəzi ərazilərdə yağıntı leysan xarakterli olacaq. Ayrı-ayrı vaxtlarda küləyin də güclənəcəyi gözlənilir.DYP sürücülərə belə hava şəraitində sürəti yol vəziyyətinə uyğun seçməyi, ara məsafəsini artırmağı, qəfil manevr və sərt tormozlamadan çəkinməyi tövsiyə edib.Piyadalara isə yolun hərəkət hissəsinə çıxarkən diqqətli olmaq və yalnız müəyyən edilmiş keçidlərdən istifadə etmək çağırışı edilib.İdarə qarşıdakı günlərdə bütün hərəkət iştirakçılarını ehtiyatlı olmağa çağırıb.