Azərbaycan Texnologiya Universitetində basketbol birinciliyinə start verilib. Zəfər Gününə həsr olunan yarışda ali və orta ixtisas təhsili müəssisələrinin tələbələrindən ibarət 4 komanda iştirak edir. Oyunlar dairəvi sistemlə keçirilir. Birinciliyin nəticələrinə əsasən, ali təhsil müəssisələri arasında baş tutacaq Respublika Çempionatında iştirak edəcək tələbə basketbolçular müəyyən ediləcək.