Gəncə hakatonunun qalibləri NASA-da təcrübə keçəcəklər
Gəncədə “NASA Space Apps Challenge” beynəlxalq hakatonu başa çatıb. Azərbaycan Dövlət Aqrar Universitetinin İnnovasiyalar Mərkəzi ilə birgə təşkil etdiyi yarışda 10 ali və peşə təhsili müəssisəsini təmsil edən 40 komandadan 150-dən çox iştirakçı mübarizə aparıb.48 saat davam edən hakatonda komandalar kosmik texnologiyalar, Yerin müşahidəsi və dayanıqlı inkişaf sahələrində innovativ layihələr hazırlayıblar. Nəticələrə əsasən, “Code44” komandası birinci, “SpaceAz” ikinci, “STC” isə üçüncü yeri tutub. İlk iki yerin qalibləri NASA-da təcrübə keçmək imkanı əldə edəcəklər.
url:
http://kepezfm.az/xeberler/g%C9%99nc%C9%99-hakatonunun-qalibl%C9%99ri-nasa-da-t%C9%99cr%C3%BCb%C9%99-ke%C3%A7%C9%99c%C9%99kl%C9%99r

