Göygöl rayonunda “Aqrar sahədə dövlətin dəstək mexanizmləri” mövzusunda panel müzakirəsi keçirilib. Kənd Təsərrüfatı Nazirliyinin Aqrar İnnovasiya Mərkəzi və Göygöl Rayon İcra Hakimiyyətinin birgə təşkil etdiyi tədbirdə fermer və sahibkarların qarşılaşdıqları məsələlər, dövlət dəstəyi, maliyyələşmə və sığorta imkanları müzakirə olunub. Paneldə həmçinin 2026–2030-cu illər üçün Dövlət Proqramından irəli gələn vəzifələr, müasir texnologiyaların tətbiqi və aqrar istehsalın səmərəliliyinin artırılması məsələlərinə toxunulub. Fermerlərin sualları aidiyyəti qurumların nümayəndələri tərəfindən cavablandırılıb.