Azərbaycanda su idman növlərinin ənənələri çox zəngin olmayıb, peşəkar kadrlar azdır. Bunu Azərbaycan Üzgüçülük Federasiyasının (ASF) prezidenti Zaur Əliyev deyib. Bu boşluğun aradan qaldırılması üçün federasiya əcnəbi mütəxəssisləri cəlb edib. O qeyd edib ki, “Silk Road Tour” Dünya Kubokunun Bakı mərhələsi oktyabrın 1–3-də Su İdmanı Sarayında keçiriləcək. Zaur Əliyev vurğulayıb ki, federasiyada struktur islahatları aparılıb, milli komandalar gücləndirilib və su idman növlərinin kütləviliyinin artırılması əsas hədəflərdən biridir.