Azıx mağarasından qanunsuz qazıntılar zamanı nümunələr çıxarılıb.Ermənilər işğalın ilk illərində Azıx mağarasından silah anbarı kimi istifadə ediblər.Bu barədə Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva bildirib.İşğaldan azad edilmiş ərazilərdə dövlət qeydiyyatında olan 9 türbə, 3 qəbiristanlıq və 7 məscid tamamilə dağıdılıb, 25 məscid, 14 türbə və 2 sərdabə isə müxtəlif dərəcədə zərər görüb.68 abidə tamamilə dağıdılıb.Ermənilər Xudavəng monastrında işğalın son 10–20 ili ərzində qanunsuz bərpa işləri aparıb və bu işlərin məqsədi tarixi saxtalaşdırmaq olub.Ermənilər hətta özləri bərpa etdikləri iki freskanı ərazini tərk edərkən oğurlayıb aparıblar.Bununla bağlı məlumat beynəlxalq ictimaiyyətə təqdim olunub.Ümid edirik ki, beynəlxalq ictimaiyyət mədəni irsimizin bu nümunələrinin geri qaytarılmasına kömək göstərəcək.Sonrakı illərdə xarici şəxslərin iştirakı ilə mağarada qanunsuz qazıntılar aparılıb və tapılan çoxsaylı nümunələr ərazidən çıxarılıb.Münaqişələr zamanı abidələr dağıdılır, mədəni sərvətlərin talan edilir, qanunsuz şəkildə ərazidən çıxarılır və xaricə daşınır.