DTX rəsmisi: Azərbaycanın informasiya resursları kiberhücumlara məruz qalıb
Azərbaycanın informasiya resurslarına son dövrlərdə kiberhücumlar həyata keçirilib.Bu barədə Dövlət Təhlükəsizliyi Xidmətinin rəis müavini Həsən Mansurov Bakıda keçirilən Kiberdiplomatiya üzrə II Beynəlxalq Konfransda məlumat verib.O bildirib ki, kiberhücumlar bu gün milli təhlükəsizlik üçün ciddi təhdidə çevrilib. Mansurovun sözlərinə görə, Azərbaycanın enerji, nəqliyyat və kommunikasiya infrastrukturunun qorunması həm ölkəmiz, həm də beynəlxalq təhlükəsizlik baxımından mühüm əhəmiyyət daşıyır.DTX rəsmisi, həmçinin Azərbaycanın BMT və Avropa Şurasının kibercinayətkarlıqla mübarizə konvensiyalarını ratifikasiya etdiyini vurğulayıb.
url:
http://kepezfm.az/xeberler/dtx-r%C9%99smisi-az%C9%99rbaycan%C4%B1n-informasiya-resurslar%C4%B1-kiberh%C3%BCcumlara-m%C9%99ruz-qal%C4%B1b

