Daxili İşlər Nazirliyi rəqəmsal mühitdə uşaqların təhlükəsizliyi ilə bağlı risklərin artdığını bildirir.Nazirliyin Mətbuat Xidmətinin rəisi Elşad Hacıyev deyib ki, DİN-ə daxil olan müraciətlərin böyük əksəriyyəti sosial media və rəqəmsal mühitlə əlaqədardır. Onun sözlərinə görə, kiberməkanda dələduzluq, maliyyə fırıldaqları, qanunsuz məhsulların satışı və digər ağır cinayətlərin təşkili halları müşahidə olunur.Sosial şəbəkələrdə yaradılan saxta hesablar və yalançı şəxsiyyətlər vasitəsilə vətəndaşlar aldadılır, xüsusilə uşaqlar müxtəlif cinayətlərə təhrik olunur. O bildirib ki, bəzi platformalarda uşaqlar zərərli məlumat və təsirlərlə üz-üzə qalırlar.Rəqəmsal təhlükəsizliyin təmin edilməsi yalnız hüquq-mühafizə orqanlarının deyil, ailələrin, təhsil müəssisələrinin, media subyektlərinin və rəqəmsal platformaların da birgə məsuliyyətidir.Qanunvericiliyə təklif olunan dəyişikliklər isə rəqəmsal mühitin daha təhlükəsiz və məsuliyyətli idarə olunmasına xidmət edir.