Səfərbərlik və Hərbi Xidmətə Çağırış üzrə Dövlət Xidməti 2026-cı ilin ilk 6 ayında korrupsiya və vəzifə səlahiyyətlərindən sui-istifadə halları ilə bağlı 48 fakt üzrə 88 nəfər barədə toplanmış materialları prosessual qərar qəbul edilməsi üçün Baş Prokurorluğa göndərib. Həmçinin 75 əməkdaş barəsində intizam tədbirləri görülüb, onlardan 2-si mənfi əsaslarla ehtiyata buraxılıb. Qurum bildirib ki, elektron xidmətlərin genişləndirilməsi və “MyGov” platformasının imkanlarının artırılması korrupsiya risklərinin azaldılmasına və şəffaflığın gücləndirilməsinə xidmət edir.