Ceyhun Bayramov XIII Qlobal Bakı Forumu çərçivəsində BMT-nin Məskunlaşma Proqramının (UN-Habitat) icraçı direktoru Anaklaudiya Rossbax ilə görüşüb. Tərəflər dayanıqlı şəhərsalma, urbanizasiya proseslərinin idarə olunması və şəhərlərin inkişafı sahəsində əməkdaşlıq perspektivlərini müzakirə ediblər. Həmçinin qarşıdan gələn Ümumdünya Şəhərsalma Forumu WUF‑13na hazırlıq məsələləri, eləcə də işğaldan azad edilmiş ərazilərdə aparılan bərpa və yenidənqurma işləri barədə fikir mübadiləsi aparılıb. Tərəflər regiondakı təhlükəsizlik vəziyyətini də müzakirə ediblər.