Azərbaycanın yeniyetmə oğlanlardan ibarət cüdo millisindən Gəncədə keçiriləcək Avropa Kubokunda uğurlu nəticə gözlənilir.Bunu yığmanın baş məşqçisi Emin İskəndərov açıqlayıb. Onun sözlərinə görə, komanda yarışa yaxşı hazırlaşıb və son təlim-məşq toplanışını uğurla başa vurub.Məşqçi bildirib ki, Almaniyanın Bremen şəhərində keçirilən beynəlxalq turnirdə qazanılan təcrübə Gəncədə nəticəyə müsbət təsir edəcək.O, qeyd edib ki, yığmada yeni cüdoçulara da şans veriləcək və regionlardan cəlb olunan idmançılardan gözləntilər böyükdür. Avropa Kuboku aprelin 4-5-də Gəncə İdman Sarayında keçiriləcək.